Mir Land🥚 started no im Helle 🌞 am schöne Fischweiher und laufed entlang vom Bommer Weiher bis zum Lengwiler Weiher übere.

Empfehlenswert isch gueti Schuhe 🥾 z träge, da mir zum Teil im Wald 🌳🌱🌿🌲 über Wurzle stolpp ... äh ... laufe werded. D Rundtour isch öppe 12 km, defür bruuched mir rund 2.5 Stund.

Eventuell nimmsch äs Jäggli 🧥, ä Stirnlampe - d Pfunzle 🌕 am Himmel isch aber so hell, dass die nöd bruuchsch - und chli Muggeschutz 🦟 mit!
Mir achted sowieso uf d Bewohner vom Wald 🦊🦝🌱🐀🦌🌳🐇🐿🦔🌲🦄🦇🌿🦉🪲 und de Weiher 🐸🦎🐍🐊🦆🦢 . Beobachted 🔭 oder föteled 📷 sie allenfalls, aber störed sie nöd.

Am Lengwiler Weiher aacho, lueged mir im Biber 🦫 sine Rucksäck 🎒, was det alles drin hät 🥖🍗🧀🥚🍷🍾🍽, mached es Füür 🔥, richted eus gmüetlich ii und tüend bröötled. Bim schnabbuliere 😋 vo de feine Sache gnüssed mir die schöni Abigstimmig bim Iidunkle und erwarted de (fascht) Vollmond 🌕 am Himmel.

Mondsüchtigi chönd a de Füürstell am Weiher im Wald 🌲🌳🌱🍁🌿🍀 probiere hüüle, ebs Antwort über chömmed.
Uf em Rückweg stopped mir no für en Kafi ☕️ oder Tee 🫖 und en Dessert 🧁. 

Mitneh müesch also nüt. D Rucksäck 🎒 sind gfüllt mit allem was de zue bruuchsch 😋🙃 - Pouletbrüstli 🍗, Teigwaresalat, Grill-Brötli 🥖, Wii 🍷, Wasser, Kafi ☕️/Tee 🫖 und Dessert🧁. 

Biitrag Fr. 17.-

Achtung: Das isch nur en Schönwetter 🌞 Event. Bii zu nasse Verhältnis 🌦 würded mir  churzfristig verschiebe oder absäge. 

Mir freued üs uf Nachtüülä 🦉, Gnüsser und gnueg konditionelli Wandervögel
Dani❤️BTina 

🥚🥚🍳🥚🥚🥚🍳🥚🥚